اتنين من الناس
About Me


Name::اتنين من الناس
From::Tanta, Egypt

View my complete profile

اللى فات مامتـش

شوفت عينيها ؟؟؟؟
بهجة الموت وفوائده
ويبقى انتا أكيد .. أكيد في مصر
جمال ناوى ينونونا.......إوعى وشك
عايزين ايه ؟؟؟؟
يا جماله يا جماله
اتنين من الناس ...المغزى والهدف
الجامع في علم النفسنة
أنا متسلط .. اذن أنا موجود
أهلا بيكم في بلدكم التانية .. مصر

Archives

سبتمبر 2006
أكتوبر 2006
نوفمبر 2006
ديسمبر 2006
يناير 2007
مارس 2007
مايو 2007
أكتوبر 2007

Whatever Here

Whatever Here. Tagboard maybe or more links

Spare

Take this out or add pics or links.

الخميس، سبتمبر ٢٨، ٢٠٠٦

## حاجات ##

واقف في الشارع .. في عز الحر .. مستني تاكسي .. والناس رايحة وجاية .. في واحد ماشي مبسوط .. مش عارف ليه .. وواحد ماشي مهموم .. مش عارف برده ليه .. طيب ليه الطفل الصغير اللي هناك ده بيعيط .. وليه البنوتة الصغيرة دي ماشية فرحانة .. والنونو الصغير اللي مامته شايلاه ده واللي عمال يبص حواليه باندهاش ياترى فاهم اي حاجة في اي حاجة أصلا
تاكسي .. تاخد كام وتوديني فين يا أسطى .. هات اللي تجيبه وانزل هنا يا أستاذ .. شكرا
**** **** **** ****
واقف في الشارع .. في حتة ضل .. اتكلم براحتك .. دقيقة الموبايل ب49قرش .. ممكن الموبايل لو سمحت .. ثواني على ما الموبايل يفضى .. أديني مستني .. واحدة هيا اللي شاغلة الموبايل ومعطلاني .. هيا اللي جابته لنفسها بقى .. أنا مابحبش أكون متطفل .. بس هيا مش واخدة بالها ان صوتها عالي اوي .. ألو .. أيوه يا حازم .. انتا فين .. ايه .. لسه في البيت .. انا بقالي ساعة قاعدة ملطوعة في الكلية مستنياك .. ايه يعني .. ايه يا حازم اللامبالاة دي .. انتا مش بتحبني يا حازم .. أنا اللي استاهل .. أنا نفضت لكل الناس عشانك .. الواد بيدو ابن طنط آمال كان هيموت عشان يخطبني .. وأنا قفلته عشان خاطرك .. بس انتا طلعت ماتستاهلش .. أنا باندم اني حبيت واحد زيك .. مع السلامة يا حازم
لأول مرة في حياتي أشوف قدامي قصة حب وهيا بتنتهي في الموبايل .. ع العموم مش فارقة كتير .. وأهي قفشات قوم عند قوم تظبيطات .. يللا خللي بيدو يعيش ويخطب الأخت اللي كانت بتتكلم في الموبايل واللي كانت هيا وحازم (قال ايه) بيحبوا بعض .. أكيد حازم برده هيعرف يقضيها .. هيا الدنيا كده .. يوم فوق .. ويوم ماتفوقش
اتفضل الموبايل يا أستاذ .. شكرا .. خليني اتكلم وأخلص بقى .. .... .. الهاتف الذي طلبته غير متاح حاليا .. وعمره ما هيكون متاح أبدا
**** **** **** ****
عبثا بأقول وأقرا في سورة عبس
ماتلومش حد ان ابتسم أو عبس
في ناس تقول الهزل يطلع جد
وناس تقول الجد يطلع عبث
عجبي - صلاح جاهين
**** **** **** ****
.. حكيــــم عيــــون ..

---------------------------------------------

2 Comments:

Anonymous غير معرف said...

والله لييييزييييز اوي موضوع الموبايل ده
لانه حصل معايا برضه ولكن الكلام كان مختلف شوية
لانه كان علي تظبيط مقابله
وتقوله هتجيلي بالعربيه ولا بتضحك عليا وشكلك كده مفيش عربيه
وهئ هئ هئ ومئ مئ
وطبعا الكلام ده طبعا كان في وسط حشد من صديقاتها اللي اكيد مايتخيروش عندها

وفوجئت في الاخر لقيتها بتقولهم
ده شكله واد طلقه.. ده بيقولي نفضي لخطيبك وانا هجيلك

٦:٢٠ ص  
Anonymous غير معرف said...

هيا الحياه كده

بيدو يتفلسع عشان حازم يعيش

وحازم يهجص فى المقابله

عشان بيدو يرجع يعيش تانى بس انا فى سؤال واحد مدايقنى

بس اكيد مش العيال مين هيشيلهم

سؤالى هو

طنط امال وضعها ايه من فرقعه بيدو والرجوع اليه مره اخرى؟؟؟؟

٥:٢٨ م  

إرسال تعليق

<< Home